好多时候我地都会用一个甚至係几个唔同嘅表情符号 (Emoji) 配搭黎回覆讯息，

可能係因为忙，又或者係想表现得有型啲 cool 啲等等原因。

但每一次用 Emoji 嘅时候，你会唔会烦用边一个先至啱或者够 chok 呢？

今日笔者想推荐一部新上映嘅电影 “Emoji 大冒险”。

有睇过预告嘅都大慨知道故事係讲述表情符号 “阿基” 天生可以做唔到嘅表情，

但係表情符号世界裹面，每个表情符号只能够允许做一个独特嘅表情，

所以 “阿基” 被认为係有问题，需要被删除。

“阿基” 希望可以揾到帮手修复自已，所以离开手机。

途中更遇到俾个五(High Five) 同埋骇客 JB (JailBreak) 一齐展开冒险旅程。

虽然网上评论大多都係负面，评分也较低，

甚至用呢套戏同 “脑筋急转弯 (Inside Out)” 等其它相似电影一齐比较，

以显得呢部电影有几失败，有几逊色，

但笔者认为一定要入戏院睇一睇。

第一个原因係想像力。

虽然笔者仲未睇呢部电影，或者欠缺说服力，

但如果单单从想像力方面黎睇，

呢套电影有一定高分数。

表情符号无时无刻只会做一个表情，

无人会想像下如果表情符号都识郁、识讲野、有自己嘅谂法係几咁得意架咩？

第二个原因係教育意义。

“阿基” 因为天生可以做到其它所有表情符号都做唔到嘅野，

所以被评定为有问题，要赶走，要消除。

相反地，笔者认为 “阿基” 係最杰出最出色嘅表情符号，

佢甚至可以创造出全新独有嘅表情。

就好似现今社会，不公平嘅状况周不时发生係我地嘅左右，

有杰出能力嘅人、有不凡智慧嘅人、

有才华洋溢嘅人往往因为周边嘅人妒忌而无法把自身能力发挥出黎，甚至被赶绝。

所以呢部电影好值得我地去反思探讨下点解会出现「有志难伸」呢种境况。

基于以上两个原因，笔者个人认为呢部电影有一定嘅趣味性和娱乐性，

所以如果有时间有兴趣，不妨入戏院观赏一下。

睇完戏，可以顺便去埋南湾雅文湖畔抽 Emoji 扭蛋机！

P.S.: 依家天气咁热，笔者请大家 “睇” 杯雪糕凉下！

以上图片均取自网路，所有版权归原作者所有。