区选百人讚！Top5 手工烧卖街坊店真正自家手包＋门鳝猪肉_关注民生_申博官网备用网址

区选百人讚！Top5 手工烧卖街坊店真正自家手包＋门鳝猪肉

2020-06-19

港式烧卖，可谓是香港人的comfort food。今次派出新假期#Zohungry小队，走匀港九新界，为大家试食全港头5位嘅港式烧卖，更有新假期读者限定套餐，想知道各区有咩代表？即睇详情！

* 试食评语乃根据个人经验、观感及口味得出，以试食当日出品为準。

Top 5 手工烧卖街坊店！

港式烧卖，可谓是香港人的comfort food。不管朝早、晏昼定夜晚，总会想笃返串医下肚，方便又好味。想食的时候总有一间在你附近，但到底边一间才是真材实料，今次派出新假期 #Zohungry小队，Zohungry小队是一群爱饮爱食的foodie influencer，走匀港九新界，为大家试食全港5间人气街坊小店区代表，逐一试食招牌港式烧卖，想知道边间好食？即睇详情！

新假期#Zohungry小队，走匀港九新界，为大家试食全港头5位嘅鱼肉烧卖！

01 | 大埔区代表老虎岩第6座潮式粉麵咖啡

大埔街坊无人不识「老虎岩」，是近年的人气小店。前身为乐富第6座牛杂老店，80年代结业。自小在店内帮手的老闆儿子，在银行业打滚廿多年后，前年决定选址大埔重拾老父衣砵。开店前，更专程到茶餐厅学沖奶茶，上汕头搜罗食材。手打鱼肉烧卖是招牌，粒粒人手包製，深得街坊欢心。粉麵当然也是招牌，滷水牛杂，醇香入味；潮式羊腩，香而不羶；自家製猪油捞麵，麵身爽滑，猪油惹味。

手打鱼肉烧卖王 $10/4粒

Zolar话你知

Kaka（@kakababee）：鱼味突出，新鲜热辣辣，几好食，几特别！

Ken（@citytraveldreamer）：烧卖充满鱼肉味，辣椒油好得！

老闆手打鱼肉烧卖，质地软糯。

新假期 ZoHungry 烧卖套餐手打鱼肉烧卖王 3粒+牛腩芝士蛋治半份+各式小樽装汽水 +维他菊花茶（纸盒） 1包价钱：$40 优惠期：-30日

「老虎岩第6座潮式粉麵咖啡」位于大埔墟东昌街。

老虎岩第6座潮式粉麵咖啡

地址：大埔墟东昌街6-16号F舖地下及阁楼电话：2638 9933营业时间：星期一、三、四、五 11am-8pm；星期六 9am-9pm；星期日及公众假期 9am-7pm（星期二休息）备注：不设加一，只收现金Facebook专页：老虎岩第6座潮式粉麵咖啡

02 | 筲箕湾区代表吕仔记

筲箕湾东大街名店，门外经常现人龙。老闆本身由街边小食档起家，专卖椰汁、喳咋，最初名为「吕记」，后来搬入舖，生意愈做愈旺，就租下邻舖，增加食物款式，包括车仔麵、鱼肉烧卖、碗仔翅等小食。之后由其子打理，易名吕仔记。开业近廿年，其招牌烧卖，最大特点是以门鳝打成，经常接受电视、杂誌採访，知名度极高。

自製鱼肉烧卖 $28/8粒

Zolar话你知

Ken（@citytraveldreamer）：呢间嘅印象好独特，因为用鳝肉整，所以一食已经认得出係吕仔记嘅烧卖，喺第二处真係食唔到呢种感觉！

Canetti（@canettichung）：食过好多次吕仔记糖水，烧卖真係第一次食，原来一样咁出色！佢用咗黄鳝肉加少少肥猪肉去整，但肥猪肉比例好少，所以食落唔油腻，唔会有太滞嘅感觉，食完想再食！

Katie（@Katiefungpuiki）：佢嘅烧卖用咗黄鳝去做，好独特，出面应该真係食唔到。同埋我觉得佢好弹牙，层皮都好坚挺，食落好有口感。

烧卖以门鳝打成，除了鱼肉，还有少少肥猪肉粒。

新假期 ZoHungry 烧卖套餐自製鲜鱼肉烧卖+鲜榨椰子汁+维他菊花茶（纸盒） 1包价钱：$40 优惠期：-30日

吕仔记位于筲箕湾大东街

吕仔记

地址：筲箕湾东大街121号A地舖电话：2885 8590营业时间：星期一至日2pm-12mn备注：不设加一，只收现金Facebook专页：吕仔记

03 | 中环区代表老友记1947

70后的老闆娘住在PMQ附近，遍寻中上环找不到传统港式小食，两个月前决定亲身落场，租下半山唐栖的地舖，装修怀旧，专卖猪皮鱼蛋碗仔翅之类的小食，每样都落足心机，好似烧卖就是用木棍手打。小店得一人经营，食物卖完再煮，供应不太稳定，要有等的心理準备。

自家製烧卖 $20/3粒

Zolar话你知

Mavis（@mavis.eatstagram）：呢度嘅烧卖口感比较结实啲，而且好香猪肉味，好似平时酒楼食到嘅烧卖。

Katie（@Katiefungpuiki）：佢嘅烧卖用鲮鱼肉沟猪肉，仲食到少少药材味，感觉好中式。

事头婆表示，烧卖 1/3是鱼肉，2/3是猪肉，比例刚好。

新假期 ZoHungry 烧卖套餐自家製鲜肉烧卖+碗仔翅或事头婆精选靓汤或薏米水+维他菊花茶（纸盒） 1包价钱：$40 优惠期：-30日

区选百人讚！Top5 手工烧卖街坊店真正自家手包＋门鳝猪肉

老友记1947

地址：中环苏豪华贤坊东17号地舖电话：9029 3943营业时间：星期二至日12nn-11pm（星期一休息）备注：不设加一，只收现金Facebook专页：老友记1947

04 | 屯门区代表悦来老朱

主力做早餐、午市的小店，开业逾廿年，不设堂食。烧卖是店中名物，老闆朱先生每天3am起身将杂鱼打浆，自家包製，每次少量蒸，用电子蒸笼保暖，卖完再蒸，价钱虽稍比同区的行货贵，但一样吸引街坊排队购买。

自製鱼肉烧卖 $12/4粒

Zolar话你知

Mavis（@mavis.eatstagram）：烧卖好食，大大粒，牛肉球都好香。

Canetti（@canettichung）：烧卖好大粒，有鱼肉又有肥猪肉，感觉好实在，牛肉球都好香好好食，手打同即刻蒸係唔同啲！

Sophronia（@sophronia218）：呢度嘅烧卖好大粒，用咗鱼肉加猪肉製成，食落去几香。但我就锺意牛肉球多啲，咬落好紥实，同埋加咗陈皮，好香。

自家製辣油，辣得有后劲！

区选百人讚！Top5 手工烧卖街坊店真正自家手包＋门鳝猪肉

新假期 ZoHungry 烧卖套餐烧卖 2粒+鱼蛋 4粒+肠粉 3条+牛肉球1粒价钱：$24 优惠期：-30日

悦来老朱小食

悦来老朱小食地址：屯门龙门居商场地下25号电话：9424 6994营业时间：6am-2pm（卖完即止）备注：不设加一，只收现金

05 | 元朗区代表元朗烧卖皇后妙舒

说到元朗街头小食老字号，元朗烧卖皇后妙舒一定榜上有名，至今已扎根元朗卅多年，现时由第二代老闆Jay接手，全店食品都坚持全手工製，而当中最大卖点就是招牌香菇猪肉烧卖。

招牌香菇猪肉烧卖 $12/5粒

Zolar话你知

Sophronia(@sophronia218)：烧卖嘅皮同肉有少少分离，但唔点辣椒油嘅话食到菇味。而家佢嘅辣椒油几香。

Kaka（@kakababee）：菇味都几出，加埋辣椒油就prefect啦！

烧卖鱼肉味浓，无鱼腥味，粒粒爽弹。

新假期 ZoHungry 烧卖套餐《回到80’s-90‘s》价钱招牌香菇猪肉烧卖 4粒+维他菊花茶 1支价钱：$8 优惠期：-30日

元朗烧卖皇后妙舒

元朗烧卖皇后妙舒地址：元朗阜财街14号宏丰大厦地下11B及11C号舖电话：34619725营业时间：星期一至日 10am-2am备注：不设加一，只收现金

除咗班#Zohungry，我哋仲搵咗40个 influence(Zolar)为大家试食，游走港九新界为大家带来实测食评，如果你都有兴趣试食以上5间烧卖小店，就可以认住呢啲 poster，跟我哋班#Zohungry小队搵食就最啱啦！锺意喺 ig 打卡开心share嘅你，食完套餐都可以放上ig，有兴趣可以直接入以下的Hashtag，睇我哋班#Zolar 嘅真实食评!

#新假期 #区区搵食#区选百人讚 #ZoHungry #Zolarx区区搵食烧卖